عايزة افكار عن الالعاب من خامات البيئة

انا عايزاكم تساعدونى وتجيبولى افكار لالعاب من خامات البيئة بليز اى واحدة تشوف التوبيك دة تقولى على افكار

وانا كمان محتاحة جدا لالعاب من خامات البيئة

السلام عليكم يا بنات انا لما دخلت المنتدى وشوفت انكم محتاجين لالعاب خامات بيئة قولت افيدكم
وعملتلكم سيرش على النت وهتلاقوا الموضوع فى قسم علم نفس اللعب لانه تبع مادة علم نفس اللعب اوكيه اه وكمان ممكن اقولكم لى فكرة انا كنت السنة اللى فاتت فى سنة اولى عملت عروسة خامات بيئة وجبت علبة كانز بتاعة الببسى ووقماش بروش نايلون لون لون البشرة وقماش من خامات البيئة اللى عندى كان قماش ابيض وجبت البروش النايلون ورسمت عليه نص جسم العروسة يعنى الراس والوسط والذراعين والايدين ولازم تعملى الكفين لايد العروسة ووبعدين جبت علبة كانز البيبسى وحطيت عليها جسم العروسة بدلا من الرجلين ولزقتها عليه بالشمع ولما ثبتها بالشمع خيطتلها فستان ابيض من القماش الابيض اللى قولت عليه وعملت فستان وكمان جبت خيط الصوف وعملت الشعر بتاعها ولبستها طرحة على الشعر ملزقة بالشمع بس خودوا بالك من حاجة مهمة جسم العروسة اللى بالقماش هيطخيط وبعدين الزق الجسم على علبة الكانز وان شاء الله تعجبكم
كمان ممكن تعملى دودة قز ازاى ؟ تيجيبى كرتونة بيض من عند البقال وتقليبها على ضهرها عشان مكان وضع البيض يبقى هوده جسم الدوده وتجيبي الوان مائية وتلونيها اخضر وتحطى قرون استشعار وعنين متحركة صغيرة مناسبة لحجم الدوده وترجعى تحطى عليها فلوت او ورنيش علشان الالوان تثبت
واى خدمة لاخواتى واصحابى على فكرة انا سنة تانية

ممكن تعملي مركب شراعي وتحطيه في الركن الفني بتجيبي علبة جبنة مثلثات وتقسيميها بالنص يعني نص دايرة وتغليفيها وتحطي من جوه شفاطة ملزوق عليها شراع من جلاد الكراسة طبعا معروف رسمة الشراع يعني دي حاجة بسيطة خالص