كلية رياض الأطفال
أهلا و مرحبا بكم في . cheers .... منتدي كلية رياض الأطفال.. جامعة الإسكندرية

نرحب بآرائكم واقتراحاتكم ونتمنى لكم الاستفادة من المنتدي 9

ولا تنسي عزيزي الزائر التسجيل 4 بالمنتدي

حيث تجد كل جديد ومفيد إن شاء الله

.وشكرا لزيارتكم .... 66669 جهاد القاضي

كلية رياض الأطفال

أهلا و مرحبا بكم في ..... منتدي كلية رياض الأطفال..جامعة الإسكندرية .....نرحب بآرائكم واقتراحاتكم ونتمنى لكم الاستفادة من المنتدي ولا تنسي عزيزي الزائر التسجيل بالمنتدي حيث تجد كل جديد ومفيد إن شاء الله .. وشكرا لزيارتكم .....جهاد القاضي
 
الرئيسيةالبوابةدخولالتسجيل

شاطر
 

 ما بين الطفل و القصة ج2

اذهب الى الأسفل 
كاتب الموضوعرسالة
Ojamajo Doremi

Ojamajo Doremi

عدد الرسائل : 10
العمر : 29
المتميزين : 0
نقاط : 7757
تاريخ التسجيل : 09/03/2009

ما بين الطفل و القصة ج2 Empty
مُساهمةموضوع: ما بين الطفل و القصة ج2   ما بين الطفل و القصة ج2 Icon_minitimeالثلاثاء نوفمبر 10, 2009 8:30 pm

3
آسفة جداً على الغيبة الطويييييييييييييييييلة دي
بس و الله وحشتوني و وحشني المنتدى جدا
المهم
بعد الجزء الأول بتاع قصة اريال و الرواية الشفهية
حابة أدخل معاكم في نقاش عن بعض طرق و وسائل رواية المعلمة للقصة

أول حاجة حابة أبدأ أتكلم عن كام طريقة لرواية القصة و بعدين عايزة نتكلم كلنا سوا في الموضوع ده
اتفقنا ؟
^ـ^

4 الرواية الشفهية : و دي اتكلمت فيها إلى حد ما في الجزء الأول
و هي بتعمتد أساساً على عدم وجود وسيلة أساسية لرواية القصة ، لكن انتي كمعلمة لازم تهتمي بتنويع صوتك و تعبيرات وشك و حركات جسمك
و ممكن و انتي بتحكي القصة شفهياً لاقيتي حاجة في القاعة تقدري تستخدميها كمثال " كانت فرفورة الشطورة عندها كراسة جميييلة خاالص و حلوة ، و كانت بتحافظ عليها كويس أوي ، و كانت زي الكراسة دي ( و تمسكي كراسة أحد أطفال القاعة لو كانت أدامك )شايفين كانت حلوة و نضيفة إزاي ؟ " و هكذا
يعني بتوظفي الحاجة الممكنة اللي بتيجي أدامك قدراً و انتي بتحكي
أو إنك تمثلي الحركات على أجسام الولاد
يعني مثلا مرة كنت بقدم قصة عن ولد رجع من البيت جعان ، فتح التلاجة و طلع كمية أكل كبيييييييييييرة أوي ، و طلع كل العصير كمان ، و فضل ياكل على مزاجه ، مش احنا الأول لازم ناكل الأكل ، و بعدين نشرب العصير و نحلي ؟ ، لأ هو فضل ياكل اجة حلوة ، و بعدين ياكل اللأكل الأساسي ، و بعدها عصير "
و الولاد قاعدين على شكل حرف اليو ، و طول ما أنا بحكي عمالة بلف حواليهم و بمثل عملية الأكل دي كأني باكل من الأطفال نفسهم
عارفة لما تمثلي مع بيبي إنك بتاخدي حتة منه بإيدك و تحطيها في بقك كأنك بتاكليها بجد ، أهو ده اللي كنت بعمله
و كان الأطفال مبسوطين جداااااااااا و متابعني بشكل خيالي الحمد لله

4 الرواية باستخدام المجسمات و دمى : دي برضه طريقة لذيذة أوي أنا بحبها و الولاد برضه كانوا بيحبوها
خصوصاً لما يبقى قبلها نشاط فني و تعملوا فيه الشخصيات بنفسكم
و ممكن كمان تعملي العكس
يعني أنا أفتكر مرة كنت عملتها ، القصصي الأول و بعد كده الفني
كان برنامج عن الخروف - عشان عيد الأضحى و كل سنة وانتم كنتم طيبين بقى 0111
و كانت القصة عن خروف صغنن و مامته
فكان الخروف بقطن الفايبر و رجليه مشبك أدام و مشبك ورا و كده اتعملت الأربع أرجل و كان بيقف
المهم حكيت القصة و كانو مستمعين بيها
و ولد حكى القصة بنفس الطريقة
جه مكاني و مشك الخروفين و حركهم و حكي بيهم القصة
اللي أكدلي استمتاعهم بالأسلوب ده
ان الفني قلنا هنعمل الخروف و مامته
مفيش ثواني الحاجة اتوزعت و الكل بيركز هيعملها إزاي
و الولد اللي خرج و حكى القصة
على ما خلصت توزيع القطن و المشابك
كان هووب .. " ميس عملته "
و عمله بطريقة جامدة
فعلا كان مظبوط جداااااااا
و الكل وراه
و عملنا مزرعة الخرفان

4 في الستوري مات Story Mat : و دي أنا مربتهاش فعلا بالأدوات
لكن قدمتها مرة دمج بين استخدام السجادة و الرواية الشفهية و مكنتش حلوة أوي
أنا نفسي معجبتنيش

4 بالكمبيوتر : دي برضه من الوسايل اللي تشد الأطفال - ده كمبيوتر
بس أنا برضه مجربتهاش كقصة مع الأطفال في القاعة
لكن مع قرايبي و جيراني فرادا كانت جامدة
نفسي لما تتطبق في الروضة
تعمليلهم جو سينما
يعني داتا شو بتعرض القصة و الصوت و الجو مضلم
جو سينما بمعنى كلمة سينما
- فيما عدا الفشار و اللب و الحاجة الساقعة طبعا ... محدش يعيشلي في الجو P: -


دول أكتر الأساليب اللي أنا بحبهم و حاسة إنهم يجيبوا نتايج جامدة و حلوة أوي مع الأطفال
انتو بقى كل واحدة بتعمل إيه و بتستخدم إيه ؟
عايزة خناق و ضرب
عايزة أشوف الدم
- بهزر طبعا .. رياض أطفال أساس الحوار الراقي -
مش كده و للا إيه ؟؟
^ـ^
بانتظاركم
69558
35788
الرجوع الى أعلى الصفحة اذهب الى الأسفل
 
ما بين الطفل و القصة ج2
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية رياض الأطفال :: محاور العملية التعليمية في مرحلة رياض الأطفال :: المتعلم ( طفل الروضة )-
انتقل الى: